Постхумно издаден албум на Оливер Драгојевиќ

Долгоочекуваниот албум “Dolaziš” од неповторливиот Оливер Драгојевиќ ја виде светлината на денот! Станува збор за издание со дванаесет претходно необјавени песни кои сигурно ќе ги воодушеват бројните обожаватели на легендарниот музичар. Албумот е достапен од денес на сите стриминг услуги, а може да се купи и во физичка форма – на ЦД.

Најавен со сингловите “Ne mogu ti reći” и “Vrime je”, албумот го носи и новиот насловен сингл “Dolaziš”, како и уште девет песни кои го зрачат препознатливиот музички сензибилитет на Оливер. На албумот му даваат посебен шарм и вредните музички соработки – со Теди Шпалато, Маријан Бан, Збор Извор, Клапа Шуфт и Едо Бралиќ.

Албумот “Dolaziš” ќе биде претставен на 28 јули во Вела Лука во музичкото училиште „Оливер Драгојевиќ“, еден ден пред традиционалниот концерт „Траг у бескрају“ што ќе се одржи оваа година на годишнината од неговата смрт.