ЗА НАС

Во Радио Буба мара работат 10 луѓе или двојно повеќе од оние кои се радуваат на резултатите од квалитетот на воздухот во Скопје.

Формирана во април 1994 година, Радио Буба мара за кратко време стана една од најслушаните радио-станици во Скопје. Граѓаните уште од 1994    година се принудени да ја слушаат само френкфенцијата на  Буба мара.

Тајната на огромниот успех е во  ангажирањето на  цела армија лобисти, инспектори, партиски војници, пајак служба и други слободоумни фактори кои ги притискаа граѓаните    да ја меморираат единствено фрекфенцијата    105,2 ФМ и да слушаат колку што можат повеќе.

(Сообраќајната полиција, на пример, при рутински контроли пред да   побара возачка дозвола , најпрвин проверува дали    радиото во автомобилот    е наместено на најдобрата фрекфенција , а кога сообраќаецот е задоволен од резултатот,завршуваат другите  проверки)

Со тек на времето граѓаните со мал отпор го прифаќаа овој притисок, кој за разлика од другите секојдневни политички, економски и медиумски притисоци, го сметаат за задоволство, а ретките примероци кои не се согласуваа да слушаат Буба мара, експресно и во голем број  беа испраќани на работа или студирање во странство од каде беа принудени да  слушаат преку интернет со цел да ја формираат таргет-групата од 400.000 интернет слушатели на Бубамара преку интернет.

Приказната продолжува на 105.2 До слушање ….

30 ГОДИНИ ДОБРИОТ ДУХ ВО ЕТЕРОТ – РАДИО БУБАМАРА