Трикратен светски првак на Златна Бубамара на популарноста

Трикратниот светски шампион, Хорхе „Вики“ Гомез од Шпанија e BMX Flatland легенда и еден од најдобрите во светот уште од 2000 година. Освен тоа што е трикратен светски шампион, три пати го има освоено и NORA Купот, а последно во 2016 година.

Откако на видео бим во салата беше прикажано видео од неговата тура (на две тркала!) низ Скопје, легендарниот Red Bull спортист, освен тоа што ја имаше честа да ја донесе првата Бубамара со помош на неговиот BMX на овогодинешното издание на Златна Бубамара, пред 6.000 гледачи во салата “Борис Трајковски” ги покажа и своите способности со тоа што изведе неверојатни трикови на сцена и уште еднаш докажа зошто е меѓу еден од најдобрите во светот во овој спорт.

Неговиот настап на сцена се одвиваше во придружба на музиката од Гоце САФ.

И, додека со нетрпение ја очекуваме ТВ премиерата на Златна Бубамара на која ќе ја видиме атрактивната видео разгледница на нашиот град , посетете го каналот на Вики Гомез и уживајте во неговите трикови.

https://www.instagram.com/vikigomezbmx/

Целиот настап на Хорхе „Вики“ Гомез на Златна Бубамара 2025 ќе може да го погледнете во недела (02.03) во 19:30 часот на Канал 5 ТВ.