Deep Purple на 13 јули повторно во БЕЛГРАД

Една од најголемите рокенрол групи на сите времиња Deep Purple ќе одржи концерт на белградскиот стадион  „Ташмајдан“ на 13 јули 2024 година, објави Skymusic.

Deep Purple, добитниците на „Legend Award“ на World Music Awards 2008 година, како и почесните членови на Rock and Roll Hall of Fame, ветуваат дека овој концерт ќе биде фантастично музичко патување низ нивната повеќедецениска кариера.

Deep Purple за прв пат настапија во Белград далечната 1975 година, а оттогаш неколкупати се враќаа пред белградската публика, последен пат во декември 2019 година кога одржаа концерт во Штарк Арена.