Владимир Четкар доби прекрасна рецензија за ‘Let Us Be’ на најголемата музичка страница за Соул Музика во Америка!!!

Познатиот македонски гитарист Владимир Четкар го издаде својот нов студиски албум „Let Us Be“ на сите дигитални музички платформи низ светот. Овој албум, кој досега беше достапен само во Јапонија преку издавачката куќа „P-Vine Records“, претставува четвртиот по ред студиски проект на Четкар.

Aлбумот ‘Let Us Be’ е музичка симбиоза на џез, фанк соул и диско и е комплетно авторско дело на Четкар. Во „Let Us Be“, Четкар се потпишува како композитор, аранжер, продуцент, текстописец, диригент и изведувач. Албумот е сниман во престижните американски студија „Electrical Audio“ во Чикаго и „Hi-Fi Studios“ во Милвоки, со учество на живи гудачки, дувачки и ритам секции.

Албумот овој пат се најде како ударна вест на најголемата музичка страница за Соул Музика во Америка(www.soultracks.com). Тој доби врвна рецензија за водечката тема „Let Us Be“ од Howard Dukes кој вели дека песната ги содржи сите елементи на Yacht Rock  стилот, доби исклучителни зборови за аранжманот и лиричен опис на „Let Us Be“ .

Аранжманот е истовремено релаксиран и раскошен каде темелот од средно брзо темпо и лефтерна фанки бас линија ја носи тежината на гудачката секција, џез импровизацијата на клавијатурата како и гитарата.”

Предходно во Јапонија каде ‘Let Us Be’ беше издаден ексклузивно до неодамна, новиот албум на Четкар беше прогласен како ‘Маестрален избор’ низ сите ‘Tower Records’ продавници во Јапонија под паролата ‘ Не постои некој кој не го сака овој звук’.

Ниту надалеку прочуениот Англиско – Австралијански Ди Џеј / Продуцент Dr. Packer ( Доктор Пакер) не остана рамнодушен  на новите музички материјали на Четкар и веќе работи на два нови ремикса на авторската музика на Четкар кој ќе се издадат оваа пролет и лето преку Шкотската Музичка Куќа Only ‘Good Vibes Music’s.

Или едноставно ‘ Владимир Четкар повторно го испорачува својот елегантен соул’

Вреди да ја слушнете повторно!