Во сабота ѕвездите ќе пеат за Тоше во Крушево!

October 3, 2024 382

Во сабота (5 октомври) ќе се одржи концерт посветен на Тоше Проески во Градскиот парк во Крушево. Концертот ќе биде со почеток од 18 часот.

Присутните ќе имаат можност да ги чујат најголемите хитови на Тоше во изведба на Ламбе Алабаковски, „Некст тајм“, Антониа Гиговска, Ребека, Немања Радошевиќ, Анѓела Нинковиќ, Мартинијан Кириловски, „Инвиктус бенд“, Славица Ангелова, Тамара Стојкоска, Јасмин Алиевски и Кирана Ивановска.

Нашиот никогаш непрежален Тоше Проески го одржа својот последен концерт на 5 октомври 2007 година, 11 дена пред трагично да го загуби животот во сообраќајна несреќа во Хрватска, а годинава се навршуваат 17 години од неговиот последен концерт.

Од 2008, на овој ден се одржува настанот „Биди и ти дел од ѕвезденото небо на Тоше“ со концерти, крводарителски акции и собир на фановите на Тоше.

Written by: radiobubamara_editor

Rate it