Јубилејното издание на СИ-ДО имаше посебно значење, бидејќи на сцената повторно се појавија оригиналните изведувачи на најпознатите фестивалски песни. По многу години, тие повторно ги отпеаја хитовите што оставија силен белег во детството и музичкото растење на многу генерации. Концертот беше реализиран во соработка со Оркестар DIVA, кој придонесе за уште помоќно и побогато музичко доживување.
Публиката повторно уживаше во безвременските песни и ги пееше заедно добро познатите хитови како „Визба стара и гитара“, „Наташа од трето три“, „Како ли јас да пораснам“, „Ема“, „Софи, Софија“ и многу други. Овие композиции со години останале дел од спомените на децата, младите и семејствата, а нивната популарност продолжува и денес. Тие прераснаа во вистински музички симбол на едно време и останаа засекогаш запаметени во колективната меморија.
https://www.youtube.com/watch?v=0bF7f6A_IcQ