„Лакмус“ – нова песна на Тања Тас и Игор Атанасоски – Харе

Слушнете ја „Лакмус“, новата песна од успешната соработка меѓу Тања и Харе.

Музиката и текстот се на Игор Атанасоски – Харе, аражманот е на Дамир Имери, а музички продуцент е Мите Димовски.

– „Лакмус“ ја создадов пред десет години и ете го чекаше трпеливо своето време, да се најде во рацете на вистинскиот пејач, а во случајот тоа е Тања Тас. Таа е плод на мојата желба постојано да истражувам, барајќи нови музички хоризонти. А нејзиниот специфичен звук и текст се должат на тоа што јас не калкулирам, едноставно го вадам тоа што го чувствувам во себе – вели авторот Игор Атанасоски – Харе.

За песната е снимен и интересен видео запис, во режија на Александар Ристовски.