Хитовите од златното време на македонската популарна музика за почеток на Карпошовото културно лето!

Со прекрасните звуци на Зборувај за Скопје, Моја гитаро, Молчи, молчи, Кажи нешто драга, 223 305 … во изведба на врвни уметници, Националниот џез-оркестар, Гудачки оркестар, солистите Андријана Јаневска, Џон Илија Апелгрин, Ана Петановска, Светлана Јовановска и легендата Драган Мијалковски, сите на едно место, на една сцена стартуваше 15-то јубилејно издание на Карпошовото културно лето.

Со бројна публика во идеалната летна вечер, Радио Бубамара организираше незаборавна вечер со македонски евергрини, дел од нив добитници на награди на последното издание на најгледаната и најпосетуваната манифестација кај нас „Златна Бубамара на популарноста“

Плоштадот „Делфина“ во Влае беше исполнет со публика од 7 до 77 години, љубители на квалитетна музика кои уживаа во фантастичните изведби на македонските евергрини.

За крај на отворањето на Карпошово културно лето свој исклучителен настап имаше Драган Мијалковски кој сподели многу љубов, прекрасна енергија и хорско пеење во еден глас со многубројната публика!

Дел од хитовите им ги насолзија очите на оние од повозрасната генерација, а ги разиграа децата. Се радувам што и децата ја знаат „223-305“, рече пејачот.

Слични настапи со добитниците на „Златна Бубамара на популарноста“ се планирани во други општини во наредниот период.