Фрајле порачуваат: Време е за пријатели!

Денеска точно напладне, српската група Фрајле ќе го промовира новиот сингл „Пријатељ“, во рамките на албумот „Дневник душе“.

„Да се работи со уметници како Сергеј, Ади, Лозано, Лука е универзален јазик на музиката кој како Фрајле го негуваме последните 15 години. Лозано го запознавме и лично и преку неговата музика. Македонија е земја со многу прекрасни уметници, Лозано е еден од нив и мило ни е што направивме соработка во оваа песна. Траењето значи квалитет. Нам музиката ни даде се. И љубов и одобрување и публика, а ние се одѕиваме преку новите песни и уште подобрите настапи во текот на овие години на турнеите кои се исполнети до последното место. Најголем комплимент кој музичарот може да го добие е љубовта од публиката“, велат од Фрајле.

Песната „Пријател“ ќе биде промовирана на Радио Бубамара, а фановите на Фрајле ќе имаат можност да ја слушнат во живо на мини-турнејата на оваа група во Македонија, во март кога ќе одржи концерт во Битола, Штип, Струмица и два пати во Скопје.