Музички вести

Новата песна „Лажем кад зинем“ на Рамбо Амадеус има автотераписко дејство

todayFebruary 25, 2024 69

Background
share close

Антоние Пушиќ, познат како Рамбо Амадеус, минатата недела, на ден пред да ја добие Златната бубамара на популарноста, ја објави новата песна „Лажем кад зинем“. Поради провокативниот текст, песната предизвика бројни реакции во јавноста.

Познат како критичар на актуелните општествени состојби, Рамбо Амадеус и овојпат напиша предизвикувачки текст и музика.

-Текстот е, пред се, автотерапсики. Уште додека беше жежок, веднаш штом го завршив, и го испратив на својата пријателка, искусна прихотерапевтка. И се допадна, рече дека е најдобриот автотераписки текст што го видела за 40-те години на својата професионална кариера – објави Рамбо Амадеус на својот Јутуб канал.

И спотот за песната недвосмислено асоцира на вечниот јаз помеќу претераните амбиции и ограничените способности, кој по правило се премостува – со патолошко лажење, вели овој музичар, поет и концептуалист.

-Во спотот нашите амбиции се прикажани со говор на стилизирана говорница, а нашите ограничувања – со влегувањето во затвор, објаснува Рамбо Амадеус.

Погледнете го видео-спот за песната „Лажем кад зинем“.

 

И оваа песна, како и севкупната работа на Рамбо Амадеус, ја потврдува и продолжува неговата определба за музика што е единствена, непредвидлива при неговите настапи во живо и брутална и иронична во текстовите, во кои тој постојано користи пародија за да искаже своите уверувања.

Поради ваквата своја иновативност, Рамбо Амадуес на овогодишната 27. Златна бубамара на популарноста доби награда за уникатен пристап кон музиката.

 

Written by: radiobubamara_editor

Rate it

Post comments (0)

Leave a reply

Your email address will not be published. Required fields are marked *


0%