Шер ја препеа „Фернандо“ за вториот дел на „Мама миа“

Шер доби улога во продолжението на култниот мјузикл „Мама миа“,а исто така  даде свој придонес и за саундтракот што ќе пристигне на 13 јули.

Имено, заедно со актерот Енди Гарсија, таа сними своја верзија на еден од популарните хитови на АББА – „Фернандо“, кој воедно е и најавен сингл за саундтракот.
Овој втор дел на „Мама миа“го носи насловот „Мама миа, почнуваме пак“ (Mamma Mia! Here We Go Agаin)

и својот поход низ кино-салите го започнува на 19 јули.

Филмот е во режија на Ол Паркер, кој го напиша и сценариото, а во останатите улоги ќе ги видиме и Пирс Броснан, Колин Фирт, Стелан Скарсгард, Доминик Купер, Енди Гарсија и други.
Во филмот ќе ги слушнеме и хитовите:„Waterloo“, „Dancing Queen“, „Thank You For The Music“, „Super Trouper“

и многу други, а еве како звучи „Фернандо“ во изведба на Шер и Енди Гарсија !