Каролина и Владо со концерти во Охрид во август

Владо Јаневски после пауза од скоро 10 години ќе одржи голем концерт во Античкиот театар во Охрид на 2 август. Со почеток од 22 часот, публиката ќе може да ужива во сите хитови на Јаневски, кој оваа година слави јубилеј-25 години од неговата соло кариера.

А пак на 11 август на истата локација, Антички театар во Охрид, концерт на отворено ќе одржи и Каролина Гочева. На концертот ќе прозвучат сите песни од албумот “Извор”, како и најубавите песни од историскиот проект “Македонско девојче”.
Инаку, ова е втор концерт за Каролина во Охрид за оваа година, претходниот го одржа во март во рамки на промоцијата на последниот албум кој излезе во февруари, а чиј комплетен автор е Николче Мицевски.