Бебек сениор и Бебек јуниор во една песна

Oткако ги освои регионалните радио станици со најавниот сингл „Kupit ću nam sat“, легендарниот рокер Жељко Бебек го промовираше и новиот албум „Mali oblak ljubavi“, на кој работел во изминативе 15 пандемиски месеци. Се надевал, вели, на успехот на песната „Kupit ću nam sat“, но очекува и целиот албум исто така добро да биде примен од публиката.

На новиот албум прв пат како пејач се испробува и Бебековиот син, Звонимир, кој и досега беше познат како гитарист, а сега се претставува и вокално. Бебек, сениор и јуниор, ја отпееа заедно песната со симболично име „Kakav otac, takav sin“.

-Прв пат пеам со мојот син и многу сум среќен поради тоа. Летово ќе се појави и видео, се надевам на задоволство на сите, кои исчекуваат да слушнат и да видат како изгледаат таткото и синот заедно пеејки „Kakav otac, takav sin“, вели Бебек.

Звонимир е во бендот на Жељко веќе три години како гитарист, а таткото очекува дека синот наскоро ќе преземе нешто повеќе и на вокален план.