Филхармонија со Феми Кути и Емин Џијан со концерт на Калемегдан

Written by on септември 13, 2018

Оркестарот на Македонската филхармонија, заедно со африканската ѕвезда Феми Кути и Емин Џијан како диригент, денес, 13 септември ќе одржат концерт во Белград на отворено, во прекрасниот амбиент на Калемегдан соопштија од Македонска филхармонија.

Овој грандиозен проект премиерно беше одржан во Скопје под името „Филхармонија на отворено“ во Градскиот парк на 7 јуни, пред околу 15 илјади посетители.

Нигерискиот музички уметник, принцот на „афробитот“ и достојниот наследник на неговиот татко, култниот Феми Кути, повторно настапува во Белград со неговиот бенд „Позитив форс“, но за белградската публика, како и за светската публика е новитет неговата соработка со симфониски оркестар, за чии аранжмани на композициите се погрижи Емин Џијан. И на концертот во Белград ќе бидат изведени најголемите хитови на Феми Кути кои се наоѓаат на сите десет негови објавени албуми, од кои четири беа номинирани за престижната награда „Греми“.

– Првпат работам со симфониски оркестар, а секогаш сум сонувал за тоа“, рече Феми Кути на прес-конференцијата која се одржа пред неговиот настап во Скопје. „Ова е навистина огромен проект, а соработката со Емин Џијан се одвиваше навистина добро – додаде тој.

Предгрупа на Феми Кути и Македонската филхармонија, ќе биде белградскиот состав „Igor Vince & His Drum, Brass And Keys“, чија музика е фузија од реге, фанк, латино, афробит и соул. Перкусионистот Игор Винце е всушност долгогодишен член на бендот на Феми Кути – „Позитив форс“.


[There are no radio stations in the database]