Антонија Гиговска – победник на „Макфест 2018“

Written by on октомври 8, 2018

Антонија Гиговска со песната насловена „Никогаш не вели никогаш“ е победник на 33-тото издание на фестивалот на забавна мелодија „Макфест“.


Второто и третото место им припаднаа на Роберт Билбилов и Дани Димитровска според гласовите на стручното и медиското жири, како и гласовите од присутната публика во Центарот за култура „Ацо Шопов“ во Штип.
Освен овие награди беа доделени и признанијата за најдобар сценски настап на Пепа Димитрова, најдобра вокална интерпретација на Наташа Малинкова, најдобар дебитант беше Мина Блажев, а најдобриот аранжман беше на Роберт Билбилов.
Овогодинешното издание го одбележа комплетно македонска програма со единствено македонски изведувачи, тука вклучувајќи го и ревијалниот дел од програмата каде настапи Дарио. Посебна почест му беше одадена и на прерано починатиот пејач Влатко Илиевски.


[There are no radio stations in the database]